DEPARTAMENTI  PËR KOMUNIKIM NË MINISTRI

Departamenti për Komunikim në Ministrinë e Shëndetësisë është themelur dhe vepron në bazë të Rregullores për themelimin dhe veprimtarinë e Shërbimit të Përhershëm të komunikimit qeveritar në Kosovë, në bazë të Rregullores nr. 03/2007.

Struktura organizative

Departamenti  për Komunikim në Ministrinë e Shëndetësisë përbëhet nga tre zyrtarë:

Dr. Faik Hoti, drejtor

Dr. Nora Krasniqi, zyrtare për Informim

Edona Abdullahu, Zyrtare për Informim

Departamenti për Komunikim në ministri udhëhiqet nga drejtori dhe përkrahet nga personeli profesional që kryen detyra të parapara në bazë të specifikave të caktuara më lart.

Drejtori i Departamentit tw Komunikimit në ministri i raporton drejtpërdrejt Sekretarit të Përhershëm të ministrisë përkatëse.

Funksionet e Departamentit të Komunikimit

Funksioni qendror i Departamentit të Komunikimit në ministri është të informojë publikun për veprimtarinë dhe vendimet që merren nga ministria.

Funksionet kryesore të Departamentit për Komunikim në ministri janë:

• Të ofrojnë këshilla profesionale për mënyrat më efektive të prezantimit të politikave dhe trajtimin e çështjeve të ndërlikuara në fushën e komunikimit;
• Të zhvillojë dhe mirëmbajë planet e komunikimit për politikat kryesore të ministrisë dhe të bëjë prezantimin e tyre përmes teknikave të komunikimit, përfshirë edhe mediat elektronike;
• Të hartojë strategjinë për komunikim çdo vit në bazë të planit të punës së ministrisë;
• Të punojë ngushtë me media, të organizojnë konferenca për media dhe intervista, të ofrojë informata dhe të hartojë përmbledhjet nga paraqitja mediale dhe
• Të lëshojnë deklarata, njoftime, raporte dhe publikime të tjera për opinionin publik.

Detyrat e drejtorit të Departamentit për komunikim në Ministri

• Detyrat  e drejtorit të Departamentit të Komunikimit në ministri janë:
• Të shërbejë si këshilltarë profesionalë për çështje të komunikimit për ministrinë;
• Të ofrojë përkrahje për këshilltarët politikë kur është e nevojshme;
• Të menaxhojë Departamentin për Komunikim për të siguruar që funksionet e komunikimit të kryhen në mënyrë efektive;
• Të prezantojë para mediave qëndrimet teknike të veprimtarisë së ministrisë;
• Të ndërlidhet për koordinim me Zyrën për Komunikim në Kryeministri dhe zyrat homologe në ministri për të kontribuar në prezantimin e unifikuar të politikave qeveritare;
• T’i ofrojë Zyrës për Komunikim në Kryeministri dhe zyrave përkatëse të ministrive dhe agjencive ekzekutive të gjitha materialet e veprimtarisë publike të tyre në formë të shkruar, si dhe të marrë pjesë në takimet e rregullta koordinuese të drejtorëve të zyrave për komunikim;
• Të marrë pjesë në takimet e drejtpërdrejta të ministrit dhe delegacioneve të larta të ministrisë përkatëse brenda dhe jashtë vendit, për të siguruar preferencat dhe informimin e saktë të opinionit publik.